MAANDELIKSE POLL

Hoe bevind u ons nuwe webtuiste?
Interessante ontwerp, vloeiende interaksie en gebruikersvriendelik.
Baie gebruikersvriendelik en maklik om te gebruik.
Oorweldigend en te veel inligting.

maak toe 

Onlangse Nuus

PP 16/2020, 5 November 2020

KALENDER

Vrydag 6 November

  • Uitdeel van “Geheime skoolgeluid”-raaivorms vir groep 2 (lees berig onder)

Saterdag, 7 November

  • 2021 Gr. R “Ontmoet jou Juffrou”, Parkielandklasse, 09:00-11:00

Maandag, 9 November

  • Uitdeel van “Geheime skoolgeluid”-raaivorms vir groep 1

Vrydag, 20 November

  • Gr. 7 Eksamen begin
  • Gr. 7 Kerkdiens, skoolsaal, 10:00

Dinsdag, tot Donderdag, 24 -26 November

  • Gr. R Gradeplegtigheid, skoolsaal, vanaf 17:00-19:00

Woensdag, 25 November

  • Gr. 4-6 Eksamen begin

Vrydag, 27 November

  • Trekking van “Geheime skoolgeluid”-wenners
  • Graad R (Groep 1) atletiekuitdunne

Maandag, 30 November

  • Graad R (Groep 2) atletiekuitdunne

Donderdag, 3 Desember

  • Skool sluit vir gr. 7-leerders

Vrydag, 4 Desember

  • Gholfdag, Rtb. Gholfklub

Maandag tot Vrydag, 7-11 Desember

  • Atletiekuitdunne, gr. 1-6 (sien tabel onderaan brief)

 

1. GR. R-7 RAAIKOMPETISIE!  

WAAG ‘N RAAISKOOT…OF TIEN! Staan ‘n kans om ‘n VAKANSIE ter waarde van R18 000 te wen teen slegs R10! Parkies se “RAAI DIE SKOOLGELUID”-kompetisie word op 6 en 9 November afgeskop wanneer raaivorms aan leerders uitgedeel word. 'n Geluid per graad word op ‘n spesifieke dag op voogklasse se whatsapp-groepe geplaas en persone kan op die raaivorms raai wat die geluid is. R10 per raaiskoot. Ouers, leerders, familie en vriende kan almal raai. Raaiskote is onbeperk @R10 elk! Die kompetisie sluit op 27 November 2020 wanneer alle vorms en geld ingehandig moet wees. Graadwenners word aangewys en indien daar meer as een korrekte antwoord is, word ‘n gelukkige trekking gehou. Vir die groot VAKANSIEPRYS, vind daar ook ‘n gelukkige trekking uit die graadwenners plaas.

 

2. GR. 4-7 EKSAMENROOSTER, KWARTAAL 4, 2020:

 

3. GHOLFDAG 2020: Vrydag, 4 Desember. Die volgende is nog beskikbaar: x8 setperke @R1000 elk. Borg van pryse, asook verversings wat ingesluit word by die looitjie geskenkpak word nog benodig. Kontak Jeané, 082 301 0016. Byvoorbaat baie dankie!

 

4. SKOOLGELD 2021:

Baie dankie aan die ouers wat die onlangse begrotingsvergadering bygewoon het.Van die begrotingsbriewe wat uitgestuur is, het 427 gesinne teruggeantwoord dat hulle die voorgestelde begroting goedkeur. (Bykans 90% van ons Parkiegesinne). Baie dankie!

Ons herinner ouers vriendelik daaraan dat skoolfonds eintlik per JAAR bereken word en die volle bedrag vooruitbetaalbaar is op die eerste dag van Januarie. Die Beheerliggaam maak egter ‘n vergunning vir ouers wat eenmalige betalings nie kan bekostig nie deur ‘n afbetalingsopsie daar te stel wat die bedrag versprei oor 11 maande. Ouers wat van die hierdie opsie gebruik maak, moet in ag neem dat die skool volgende jaar baie later as gewoonlik begin (27 Januarie 2021). Aangesien geen skoolgeld gehef word vir Desembermaand nie, stel

dit ouers in staat om volgende jaar se Januarie-skoolfonds nog in hierdie jaar, of op1 Januarie 2021 te kan betaal. Baie dankie vir u samewerking! Sien bedrae en bankbesonderhede op tabel hieronder.

5. ATLETIEKUITDUNNE VIR 2021-SEISOEN

  • Presiese tydsgleuf wat atlete by skool moet wees sal later deurgegee word.

 

Mnr. H. Pieterse

SKOOLHOOF